我是 chi̍t 隻 kià-siⁿ phang，siōng ài chhōe ka-choa̍h ia̍h-sī ti-tu 來做我會當 kià-siⁿ ê sin-khu。 我 ê sin-khu ê 色水真 súi，若像五彩色。
我 tòa tī chiok iap-thiap ê 所在，有 chi̍t ê 泰國金三角 ê ūi，是我 ê chhù，科學家 m̄-kiaⁿ sí，入來我tòa ê chhù 錄影 kap 參觀。
伊看著我用毒液 chha̍k ka-choa̍h ê sin-khu， ka-choa̍h 若像有魂無體乖乖聽我 ê ōe，tòe 我入來我 ê siū。
我會kià-seⁿ tī 內底，等我大漢了，會對伊 ê 身體脫離，伊彼時就會隨sí--khì。
伊就是 chiâⁿ-chò 我 ê 養分，因為伊會當15 kang 攏 m̄-bián chia̍h 物件，對我來講，是 chi̍t ê 營養品。
愛細膩我--o͘h，因為 thâng-thōa 會變作我 ê 目標。
不而過，目前我iáu-bōe 去 tèng人類，che lín 會當an-sim。若是 lín 無珍惜地球，無 tek-khak 我會來 chhōe--lín--o͘h。 Ǹg-bāng 人類愛好好仔愛護自然環境。
Comments